Frouke Heuvelman

Yn 2014 bin ik foar de leafde fanút de Randstad nei Fryslân ferhuze. Nei fiif jier tegearre wenjen yn Ljouwert binne wy yn Easterwâlde telâne kommen, dêr’t ik no wenje mei myn man en twa bern.

Hoewol’t ik de nedige fysike tsjinslaggen hân ha, ha ik altyd socht nei mooglikheden om mysels te ûntwikkeljen. Sa ha ik mei in protte trochsettingsfermogen de oplieding Hotelmanagement ôfmakke. Wurk yn dat fakgebiet bliek spitigernôch net helber, mar myn enerzjy en belutsenens set ik graach op oare wizen yn. In soad foldwaning fyn ik yn it fulltime âlderskip. Op de basisskoalle fan myn bern bin ik aktyf as help-, crea- en kookâlder.

Dêrneist kinne guon my miskien ek fan de Kortsluiting kenne, dêr’t ik my as frijwilliger ynset by alderhande aktiviteiten. Foar dizze fantastyske organisaasje wurkje ik mei oan tal fan projekten.

De VPO slút oan by wat foar mysels, myn húshâlding en de ynwenners fan Eaststellingwerf wichtich is: in krityske hâlding tsjinoer yntegraasje en it behâld fan ús Nederlânske noarmen en wearden.

De VPO stiet foar in nuchtere, earlike en no-nonsense oanpak. Realiteit en sûn ferstân steane dêrby altyd foarop, yn it belang fan alle ynwenners fan Ooststellingwerf.